دفتر المقاول
للمهندس والمقاول اللي بيبني أو بيشطّب لعملاء

اعرف فلوسك فين
في كل مشروع

من غير كشكول ولا إكسل. بتسجل كل اللي بتشتريه وبتدفعه، والبرنامج بيحسب لوحده نسبتك، واللي عليك للموردين والصنايعية، واللي ليك عند كل عميل.

من غير كارت ولا التزام · بنجهزلك حسابك في نفس اليوم
1خدت كام من صاحب الشقة؟ وفاضل لي كام؟
2عليّا كام لكل مورد وصنايعي؟
3مكسبي في كل مشروع وصل لكام؟
لوحة التحكم: اللي ليك عند العملاء، واللي عليك للموردين، ومكسبك المتوقع
البرنامج على الموبايل
5أنواع اتفاق مع العميل
ثوانيعلشان تسجل أي حركة
ضغطةوالكشف عند العميل على واتساب
كل يومنسخة احتياطية لبياناتك
بسيط من أول يوم

3 خطوات وخلاص

البرنامج معمول بلغة الموقع، مش بلغة المحاسبين.

افتح المشروع

اسم العميل والعنوان ونوع الاتفاق: نسبة، أتعاب، مقطوعية، بالمتر، أو مصنعية بس.

سجّل كل حركة

اشتريت رمل آجل؟ العميل دفع سيراميك بنفسه؟ دفعت للصنايعي؟ اختار النوع واكتب المبلغ.

البرنامج يحسب

نسبتك، واللي عليك لكل مورد، واللي ليك عند العميل، وكشف حساب جاهز يتبعت.

المميزات

كل اللي المقاول محتاجه في مكان واحد

من أول المشروع لحد التسليم والتصفية مع آخر صنايعي.

المشاريع وأنواع الاتفاق

  • كل مشروع ليه عميله وعنوانه ونسبة إنجازه
  • 5 أنواع اتفاق: نسبة، أتعاب ثابتة، مقطوعية، بالمتر، مصنعية بس
  • مراحل دفع مربوطة بمراحل الشغل، وأعمال إضافية بسعرها
  • تنبيه لما المصاريف تقرب من مبلغ المقطوعية

تسجيل الحركات في ثواني

  • شراء على حسابك، على حساب العميل، دفع لمورد، استلام من العميل
  • بتشوف أثر الحركة على حساباتك قبل ما تحفظ
  • آجل أو كاش أو شيك أو تحويل أو فودافون كاش أو إنستاباي
  • صورة الفاتورة متعلقة في الحركة نفسها

الموردين والصنايعية

  • حساب لكل واحد: اتعامل بكام، وأخد كام، وفاضل له كام
  • الصنايعي بالمقطوعية أو بالمتر أو باليومية
  • القياسات بتتحسب لوحدها: المساحة × السعر
  • دفعات تحت الحساب وتصفية في الآخر، وكشف حساب للمورد

كشف حساب العميل

  • كشف واضح: كل مصروف، مين دفعه، ونسبتك، والباقي
  • PDF باسمك وبياناتك، أو طباعة على طول
  • يتبعت للعميل على واتساب بضغطة
  • تختار تظهر إيه وتخفي إيه، زي أسماء الموردين

الشيكات والتنبيهات

  • شيكات صادرة وواردة بتواريخها
  • تنبيه قبل ميعاد الشيك بأيام إنت بتحددها
  • تنبيه لما صنايعي يخلص ومحتاج تصفية
  • تنبيه لما عميل يتأخر في دفعة مرحلة

المكتب والمرتبات

  • مصاريف المكتب والإيجار والعربيات في مكان واحد
  • الموظفين والمرتبات والسلف والمكافآت والخصومات
  • المالية بالشهر أو بالسنة: داخل كام وخارج كام
  • مكسبك الحقيقي بعد مصاريف المكتب

المستخدمين والصلاحيات

  • حساب ليك، وحساب لمساعدك أو المحاسب
  • المساعد يسجل الحركات من غير ما يشوف مكسبك ولا نسبتك
  • سجل بكل تعديل: مين عدّل إيه وإمتى

يشتغل من أي مكان

  • من المتصفح على الكمبيوتر أو التابلت أو الموبايل
  • نسخة كمبيوتر بتشتغل من غير إنترنت
  • تنقل بياناتك بين النسختين في أي وقت
  • نسخة احتياطية أوتوماتيك كل يوم
مثال حقيقي

إزاي البرنامج بيحسب؟

مشروع شقة بنسبة 15% على التكلفة. 5 حركات بس، وشوف البرنامج طلّع إيه:

  • 12,750 نسبتك، حتى على السيراميك اللي العميل اشتراه بنفسه
  • 25,000 لسه عليك للموردين والصنايعية
  • 17,750 لسه ليك عند العميل
الحركةالتكلفةنسبتي 15%عليّا للموردعلى العميل
رمل من مورد (آجل)20,0003,00020,00023,000
صنايعي تكسير (اتفاق 15,000)15,0002,25015,00017,250
سيراميك العميل دفعه بنفسه50,0007,50007,500
دفعت للمورد——− 10,000—
العميل دفع لي———− 30,000
النتيجة85,00012,75025,00017,750
من جوه البرنامج

كشف حساب يحترم شغلك

العميل يشوف كل جنيه اتصرف فين، باسمك وبياناتك. ثقة أكتر، ونقاش أقل على الفلوس.

كشف حساب العميل
كشف حساب العميل: PDF أو طباعة أو واتساب
تسجيل حركة من الموبايل
تسجيل حركة من الموقع، وأثرها قدامك قبل الحفظ
الأمان

بياناتك بتاعتك، ومحفوظة

قاعدة بيانات لوحدك

حسابات كل عميل في قاعدة بيانات منفصلة، مش متشاركة مع حد.

نسخة احتياطية يومية

بياناتك بتتحفظ أوتوماتيك كل ليلة.

اتصال مشفّر

كل حسابات العملاء شغالة على HTTPS.

سجل تعديلات

أي تعديل أو مسح متسجل: مين عمله وإمتى.

الأسعار

اختار اللي يناسب شغلك

كل الباقات فيها كل المميزات. الفرق بس في مكان تشغيل البرنامج.

الأكثر طلباً

اشتراك أونلاين

تفتحه من أي جهاز، وإحنا بنتابع السيرفر والنسخ الاحتياطي.
7 أيام مجاناً
وبعدها اشتراك شهري أو سنوي. كلّمنا على السعر.
  • تجربة 7 أيام مجاناً
  • كمبيوتر وتابلت وموبايل
  • حساب لمساعدك بصلاحيات محدودة
  • نسخة احتياطية يومية
  • تجديد بالكارت أو فوري أو فودافون كاش
ابدأ التجربة المجانية

نسخة الكمبيوتر

تتسطب على جهاز المكتب وتشتغل من غير إنترنت.
ترخيص للجهاز
مدى الحياة أو شهري. كلّمنا على السعر.
  • بتشتغل أوفلاين تماماً
  • البيانات على جهازك إنت
  • نسخة احتياطية بضغطة
  • تقدر تنقل بياناتك للأونلاين بعدين
اسأل على السعر

نسخة خاصة للشركات

البرنامج على سيرفر شركتك ودومينك.
حسب الطلب
ترخيص شهري أو مدى الحياة.
  • على سيرفرك ودومينك
  • بياناتك عندك بالكامل
  • نفس المميزات والتحديثات
  • تركيب ومتابعة مننا
كلّمنا
أسئلة

أسئلة بتتسأل كتير

محتاج أكون فاهم محاسبة؟

خالص. إنت بتسجل اللي حصل بالكلام اللي بتقوله كل يوم: «اشتريت رمل آجل»، «العميل دفع 50 ألف». البرنامج هو اللي بيحسب النسبة واللي ليك واللي عليك.

بياناتي في أمان؟

كل عميل ليه قاعدة بيانات منفصلة لوحده، مش متشاركة مع حد. الاتصال مشفّر (HTTPS)، وفيه نسخة احتياطية كل يوم. ومساعدك مايشوفش غير اللي إنت سامح بيه.

لو الاشتراك خلص، بياناتي بتتمسح؟

لأ. بياناتك بتفضل محفوظة زي ما هي، وأول ما تجدد بترجع تشتغل من مكان ما وقفت.

ينفع أستخدمه من الموبايل في الموقع؟

أيوه. الشاشات بتظبط نفسها على الموبايل، فتقدر تسجل الحركة وإنت واقف في الموقع، وتبعت الكشف للعميل على واتساب.

أنا شغال على إكسل أو كشكول، أبدأ إزاي؟

ابدأ بالمشاريع الشغالة بس. سجّل لكل مشروع المصروف لحد النهارده كرقم واحد، واللي استلمته من العميل كرقم واحد، وكمّل من بكرة حركة بحركة. نص ساعة وتكون خلصت.

إزاي أدفع الاشتراك؟

بالكارت أو من أي فرع فوري، أو فودافون كاش وإنستاباي. ولما تدفع أونلاين الاشتراك بيتجدد لوحده على طول.

جرّبه على مشروع حقيقي، ببلاش

7 أيام كاملة بكل المميزات. لو ماعجبكش، مش هتدفع حاجة.

عندك حساب؟ اكتب اسم حسابك وادخل: